സൗദി അറേബ്യയിലെ കിഴക്കൻ പ്രവിശ്യയായ ദമാമിൽ പരിസ്ഥിതി നിയമ ലംഘനത്തിന് ഇന്ത്യക്കാരൻ അറസ്റ്റിൽ. നിരോധിത സ്ഥലത്ത് റെഡിമിക്സ് ലോറിയിൽ നിന്നുള്ള കോൺക്രീറ്റ് ഉപേക്ഷിച്ച കേസിലാണ് ഇന്ത്യൻ പ്രവാസിയെ അറസ്റ്റ് ചെയ്തത്. മണ്ണിനെ നേരിട്ടോ അല്ലാതെയോ ദോഷകരമായി ബാധിക്കുന്നതോ മലിനമാക്കുന്നതോ ആയ പ്രവർത്തനങ്ങൾ നടത്തിയാൽ ഒരു കോടി റിയാൽ വരെ പിഴ ലഭിക്കുമെന്ന് പരിസ്ഥിതി സുരക്ഷാ സേന മുന്നറിയിപ്പ് നൽകി.