രാഹുല് മാങ്കൂട്ടത്തിലിനെതിരായ പീഡന പരാതി നല്കിയ യുവതിയെ സമൂഹമാധ്യമത്തില് അധിക്ഷേപിച്ചുവെന്ന കേസില് അറസ്റ്റിലായ രാഹുല് ഈശ്വറിനെ കോടതി നാളെ വൈകിട്ട് 5 വരെ പൊലീസ് കസ്റ്റഡിയില് വിട്ടു. രാഹുല് ഈശ്വര് ജില്ലാ കോടതിയില് ജാമ്യാപേക്ഷ നല്കി. ജാമ്യാപേക്ഷ ഡിസംബർ 6ന് പരിഗണിക്കും.
അഡീ.സിജെഎം കോടതിയാണ് കേസ് പരിഗണിച്ചത്. ഗൂഢാലോചനയുണ്ടോ എന്ന് അന്വേഷിക്കണമെന്നും രാഹുലിന്റെ ഓഫിസില് പരിശോധന നടത്തണമെന്നും പൊലീസ് ആവശ്യപ്പെട്ടിരുന്നു. ഇത് അംഗീകരിച്ചാണ് കോടതി കസ്റ്റഡി അനുവദിച്ചത്. അറസ്റ്റിലായ രാഹുലിനെ കഴിഞ്ഞ ദിവസം കോടതി 14 ദിവസത്തേക്ക് റിമാന്ഡ് ചെയ്തിരുന്നു. ജയിലില് നിരാഹാര സമരത്തിലാണ് രാഹുല്.