നീതിന്യായ മന്ത്രാലയവുമായി സഹകരിച്ച് മാനവ വിഭവശേഷി, സാമൂഹിക വികസന മന്ത്രാലയം ഇന്നലെ നോട്ടറൈസ്ഡ് തൊഴിൽ കരാറിലെ വേതന വ്യവസ്ഥ നടപ്പിലാക്കാവുന്ന രേഖയായി അംഗീകരിക്കുന്നതായി പ്രഖ്യാപിച്ചു. ഖ്വിവ, ‘നാജിസ്’ പ്ലാറ്റ്ഫോമുകൾ തമ്മിലുള്ള സാങ്കേതിക ബന്ധത്തിലൂടെ തൊഴിൽ വിപണിയിലെ അവകാശങ്ങളുടെ സംരക്ഷണം വർധിപ്പിക്കുന്നതിനും കരാർ ബന്ധത്തിലെ കക്ഷികൾ തമ്മിലുള്ള പ്രതിബദ്ധതയുടെയും നീതിയുടെയും തത്വങ്ങൾ ഏകീകരിക്കുന്നതിനും ലക്ഷ്യമിടുന്നതാണ് പുതിയ തീരുമാനം.
തൊഴിലാളിക്ക് അഥവാ ജീവനക്കാരന് വേതനം നൽകാത്ത സാഹചര്യത്തിൽ, അധിക രേഖകളുടെ ആവശ്യമില്ലാതെ തന്നെ, തൊഴിലാളിക്കോ തൊഴിലുടമക്കോ ഒരു എൻഫോഴ്സ്മെന്റ് അഭ്യർഥന സമർപ്പിക്കാൻ അനുവദിക്കുന്ന ഒരു നിയമപരമായ രേഖയാണ് വേതന വ്യവസ്ഥ. മുദാദ് പ്ലാറ്റ്ഫോമുമായുള്ള ഒരു ലിങ്ക് വഴി പരിശോധന സ്വയമേവ നടത്തുന്നു. ഈ വിശ്വസനീയമായ സംവിധാനം നടപടി ക്രമീകരണത്തിൻ്റെ വേഗത വർദ്ധിപ്പിക്കുകയും അവകാശങ്ങളിലേക്കുള്ള പ്രവേശനം സുഗമമാക്കുന്നതിന് വഴിതെളിയിക്കുന്നു. ഇത് തൊഴിൽ അന്തരീക്ഷത്തിന്റെ സ്ഥിരത മെച്ചപ്പെടുത്തുകയും അനുസരണ നിലവാരം ഉയർത്തുകയും ചെയ്യുന്നു.
എക്സിക്യൂട്ടീവ് ബോണ്ടിൽ നിന്ന് പ്രയോജനം നേടുന്നതിന്, തൊഴിൽ കരാർ ഖിവ പ്ലാറ്റ്ഫോം വഴി ആധികാരികമാക്കുകയും നീതിന്യായ മന്ത്രാലയത്തിന്റെ ഡോക്യുമെന്റേഷൻ സെന്ററിൽ നിന്ന് ഒരു എക്സിക്യൂട്ടീവ് നമ്പർ നേടുകയും വേണം. നിശ്ചിത തീയതി മുതൽ 30 ദിവസത്തിനുള്ളിൽ തൊഴിലാളിക്ക് പൂർണ്ണ വേതനം ലഭിച്ചില്ലെങ്കിൽ, അല്ലെങ്കിൽ 90 ദിവസത്തിനുശേഷം ഭാഗികമായി അത് ലഭിച്ചാൽ, നാജിസ് പ്ലാറ്റ്ഫോം വഴി ഒരു ഇലക്ട്രോണിക് തീർപ്പാക്കൽ-നടപ്പാക്കൽ അഭ്യർഥന സമർപ്പിക്കാം. അറിയിപ്പ് തീയതി മുതൽ അഞ്ച് ദിവസത്തിനുള്ളിൽ എതിർക്കാൻ മറ്റേ കക്ഷിയായ തൊഴിലുടമക്ക് അവകാശവുമുണ്ട്.