സൗദിയിലെ ഗാർഹിക തൊഴിലാളികളുടെ ശമ്പളം ഇലക്ട്രോണിക് പ്ലാറ്റ്ഫോമിലൂടെ കൈമാറുന്നതിനുള്ള നാലാം ഘട്ടം ആരംഭിച്ചു. അംഗീകൃത ഔദ്യോഗിക ഓൺലൈൻ പ്ലാറ്റ്ഫോമുകളിലൂടെ പ്രതിമാസ ശമ്പളം നൽകുന്നതിനുള്ള പദ്ധതിയുടെ നാലാം ഘട്ടം തുടക്കമിട്ടതായി മാനവ വിഭവശേഷി സാമൂഹിക മന്ത്രാലയമാണ് പ്രഖ്യാപിച്ചത്. ഗാർഹിക തൊഴിലാളികളുടെ ശമ്പളവുമായി ബന്ധപ്പെട്ട അവകാശങ്ങൾ ഉറപ്പുനൽകുന്നതിനും തൊഴിലുടമകളും തൊഴിലാളികളും തമ്മിലുള്ള കരാർ ബന്ധത്തിൽ സുതാര്യത വർധിപ്പിക്കുന്നതിനും ലക്ഷ്യമിട്ടുള്ള ഗുണപരമായ നടപടിയാണിത്.
നാലാം ഘട്ടത്തിൽ രണ്ടോ അതിലധികമോ വീട്ടു ജോലിക്കാരുള്ള തൊഴിലുടമകളെ ഉൾപ്പെടുത്തും, 2026 ജനുവരി 1 ഓടെ എല്ലാ ഇതര ഗാർഹിക സഹായ പണിയെടുക്കുന്ന തൊഴിലാളികൾക്ക് വേണ്ടിയും സേവനം പൂർണ്ണമായും വ്യാപിപ്പിക്കുക എന്ന ലക്ഷ്യത്തോടെ, ക്രമേണ നടപ്പിലാക്കിയ മുൻ ഘട്ടങ്ങളെ ഇത് പൂർണ്ണമാക്കും. ‘മുസാനെദ്’ പ്ലാറ്റ്ഫോം വഴിയുള്ള ഇലക്ട്രോണിക് ശമ്പള കൈമാറ്റ സേവനത്തിലൂടെ വേതന പേയ്മെന്റ് പ്രക്രിയകളുടെ വിശ്വാസ്യത വർധിപ്പിക്കുന്നതിനുള്ള ഒരു നിർണായക ചുവടുവയ്പ്പാണെന്ന് മന്ത്രാലയം ഊന്നിപ്പറഞ്ഞു.
ഡിജിറ്റൽ വാലറ്റുകൾ, പദ്ധതിയിൽ പങ്കാളിത്തമുള്ള ബാങ്കുകൾ തുടങ്ങിയ ഔദ്യോഗിക ചാനലുകൾ സ്വീകരിക്കുന്നതിലൂടെയും, അവകാശങ്ങളുടെ സംരക്ഷണം ഉറപ്പാക്കുന്നതിലൂടെയും, എല്ലാ കക്ഷികൾക്കും നടപടിക്രമങ്ങൾ സുഗമമാക്കുന്നതിലൂടെയും ഇത് കൈവരിക്കാനാകും. നിരവധി നേട്ടങ്ങളാണ് ഈ സേവനം വഴി ലഭിക്കുന്നത്. പ്രത്യേകിച്ച് തൊഴിലാളികളുടെ ശമ്പളം പതിവായി നൽകുന്നത് രേഖപ്പെടുത്തുക, കരാർ ബന്ധം അവസാനിപ്പിക്കുമ്പോഴോ തൊഴിലാളിയുടെ യാത്രയിലോ നിയന്ത്രണ കരുതൽ നടപടിക്രമങ്ങൾ പൂർത്തിയാക്കാൻ സഹായിക്കുക, ഔദ്യോഗിക മാർഗങ്ങളിലൂടെ അവരുടെ മാതൃരാജ്യങ്ങളിലെ തൊഴിലാളി കുടുംബങ്ങൾക്ക് എളുപ്പത്തിലും സുരക്ഷിതമായും ശമ്പളം കൈമാറാൻ പ്രാപ്തമാക്കുക. ഇതിലൂടെ ശമ്പള കൈമാറ്റത്തിന്റെ സുതാര്യത വർധിപ്പിക്കുകയും തൊഴിലാളിക്കും തൊഴിലുടമയ്ക്കും നിയന്ത്രണ ഗാരന്റികൾ ഏകീകരിക്കുകയും ചെയ്യുന്നു.